Veleduththu Odi Va

வேலெடுத்து ஓடி வா முருகையா - எவரும்

சூல் தரித்து பெற்றிடாத ஸ்ரீ சுப்ரமண்யா

கால் கடுக்க பழனியில் தனியாய் நிற்பவனே

நான் உனக்குத் துணையாக வரலாமோ என் ஐயனே

பால் முகத்துப் பிள்ளையென நினைந்திருந்தேன் - நீ

வேல் தரித்து சூரர் படை வென்று விட்டாய்

நாலெழுத்து அறியாத மூட நெஞ்சில்

நீ எழுத்தாய் வந்தாய் உன் புகழை எழுத

கால் பதித்த பூமியைக் கைலாயமாக்கினாய்

கதிரவன் எழுமுன் நின்கால் பணிய வைத்தாய்

மாலவனை திகைக்க வைத்த மாமேதையே - நின்

மலர்க் கரத்தால் ஆசி செய்வாய் ஸ்ரீ சிவசங்கரனே