Periya Kadavull Nee

பெரிய கடவுள் நீ

மஹா பெரியவாளும் நீ - பூரண

ப்ரம்மமானவன் நீ

நரசிம்மம்மானவன் நீ

அரிய பொக்கிஷம் நீ

ஆனந்த நர்த்தனன் நீ - உனக்கே

உரிய உரிமையால் தடுத்து

ஆட்கொள்ள வந்தவன் நீ - சங்கரா

கரிய திருமால் நீ கருணை

வடிவமானவன் நீ

கடவுள் மாமா நீ எங்கள்

உடன் உறைபவன் நீ

படரும் இருள் ஒழிக்க உதித்த

பரிதியானவன் நீ - எங்கள்

இடர்களை எரித்து அழிக்கும்

இரக்கம் கொண்டவன் நீ

நால்வர் பாடி வைத்த உயர்

நான்மறைப் பொருளும் நீ

நாரதாதியரும் போற்றும் ஸ்ரீ

பத்ரி நாராயணன் நீ

பாரதப் போரினிலே பார்த்த

சாரதியானவன் நீ - எங்கள்

பாரத நாட்டினுக்கே பெருமை

உயர்த்த வந்தவன் நீ - சங்கரா

கோரும் வரங்களெல்லாம் அளிக்கும்

கோவிந்தராஜன் நீ

கொண்ட கொள்கையிலே மாறா

குணமுடையவன் நீ

சேர வாரீர் ஜகத்தீரே என

கூவி அழைப்பவன் நீ - உன்

சேவடிதனிலே வைகுந்தம்

சேர்க்கும் மாதவன் நீ - சங்கரா