Pagai Kadidhal...Thiruvalar

Thiruvalar sudaruruvae sivakara mamaruruvae

arumarai pugazhuruvae aravargal thozhumuruvae

irulthabu moliyuruvae enaninai enadhedhirae

gurugugan mudhan mayilae konardhiyun iraivanaiyae

marai pugazh irai munarae marai mudhal pagaruruvae

poraimali yulaguruvae punanadai tharumuruvae

iraiyila mugavuruvae enaninai enadhedhirae

kuraivaru thirumayilae konardhiyun iraivanaiyae

idharargal palar poravae ivanurai enadhedhirae

madhiravi palavenadhaer valarsara nidaiyenamaa

chathurodu varumayilae thadavarai asaivuravae

gudhitharu morumayile konardhiyun iraivanaiyae

bavanadai manudarmunae padaruru menadhedhirae

navamani nudhalaiyaer nagaipala midaranimaal

sivaniya thirumayilae dhidanodu noduvalamae

kuvalayam varumayilae konardhiyun iraivanaiyae

azhaguru malarmuganae amarargal paniguganae

maruvuru udaiyavanae madhithani periyavanae

izhavilar iraiyavanae enaninai yenadhedhirae

kuzhagadhu milirmayilae konrdhiyun iraivanaiyae

inaiyarum arumuganae yidhasasi marumaganae

inarani puralpuyanae enaninai yenadhedhirae

ganapana aravuramae kalaivura lezhutharumor

gunamuru manimayilae konardhiyun iraivanaiyae

eliya en iraigugaa enaninai yenadhedhirae

velinigazh thiralgalai meen milirsinai enamidaivaan

palapala venaminumaa palasirai viritharuneel

kulirmani vizhimayilae konardhiyun iraivanaiyae

igalaru sivakumara enaninai yenadhedhirae

sugamuni varalezhilaar surarpalar pugazhseyavae

thogu thogu thoguvenavae suranada midumayilae

gugapathi amarmayilae konardhiyun iraivanaiyae

karunaipei ganamugilae kadamuni panimudhalae

arunaiya naranenavae yaganirai yenadhedhirae

marumalarani palavae maruvidu kalamayilae

gurupala avir mayilae konardhiyun iraivanaiyae

பகை கடிதல் [பாம்பன் ஸ்வாமிகள்]

திருவளர் சுடருருவே சிவகர மமருருவே

அருமறை புகழுருவே அறவர்கள் தொழுமுருவே

இருள்தபு மொளியுருவே எனநினை யெனதெதிரே

குருகுகன் முதன்மயிலே கொணர்தியுன் இறைவனையே

மறைபுகழ் இறைமுனரே மறைமுதல் பகருருவே

பொறைமலி யுலகுருவே புனநடை தருமுருவே

இறையிள முகவுருவே எனநினை யெனதெதிரே

குறைவறு திருமயிலே கொணர்தியுன் இறைவனையே

இதரர்கள் பலர்பொரவே யிவணுறை எனதெதிரே

மதிரவி பலவெனதேர் வளர்சர ணிடையெனமா

சதுரொடு வருமயிலே தடவரை அசைவுறவே

குதிதரு மொருமயிலே கொணர்தியுன் இறைவனையே

பவநடை மனுடர்முனே படருறு மெனதெதிரே

நவமணி நுதலணியேர் நகைபல மிடறணிமால்

சிவனிய திருமயிலே திடனொடு நொடிவலமே

குவலயம் வருமயிலே கொணர்தியுன் இறைவனையே

அழகுறு மலர்முகனே அமரர்கள் பணிகுகனே

மருவுரு உடையவனே மதிதனி பெரியவனே

இழவிலர் இறையவனே எனநினை யெனதெதிரே

குழகது மிளிர் மயிலே கொணர்தியுன் இறைவனையே

இணையறும் அறுமுகனே யிதசசி மருமகனே

இணரணி புரள்புயனே எனநினை யெனதெதிரே

கணபண அரவுரமே கலைவுற லெழுதருமோர்

குணமுறு மணிமயிலே கொணர்தியுன் இறைவனையே

எளிய என் இறையகுகா எனநினை யெனதெதிரே

வெளிநிகழ் திரள்களை மீன் மிளிர்சினை எனமிடைவான்

பளபள வெனமினுமா பலசிறை விரிதருநீள்

குளிர்மணி விழிமயிலே கொணர்தியுன் இறைவனையே

இலகயின் மயின் முருகா எனநினை யெனதெதிரே

பலபல களமணியே பல பல பதமணியே

கல கல கலவெனமா கவினொடு வருமயிலே

குலவிடு சிகைமயிலே கொணர்தியுன் இறைவனையே

இகலறு சிவகுமரா எனநினை யெனதெதிரே

சுகமுனி வரலெழிலார் சுரர்பலர் புகழ்செயவே

தொகு தொகு தொகுவெனவே சுரநட மிடுமயிலே

குகபதி அமர் மயிலே கொணர்தியுன் இறைவனையே

கருணைபெய் கனமுகிலே கடமுனி பணிமுதலே

அருணைய னரனெனவே யகநினை யெனதெதிரே

மருமலரணி பலவே மருவிடு களமயிலே

குருபல அவிர் மயிலே கொணர்தியுன் இறைவனையே