Paarka Paarka

பார்க்கப் பார்க்கத் திகட்டாத அழகு

பழகப் பழக இறுகுகின்ற உறவு

பசிப்போர்க்கு ருசிக்கின்ற தமிழே - நீ

கொடுக்க கொடுக்க வளர்கின்ற அருளே

சொல்லச் சொல்ல சுவை கூடும் நாமம்

சுவைக்கச் சுவைக்க இனிக்கின்ற அன்பே

நினைக்க நினைக்க நெகிழும் எம் உள்ளம் - உன்னில்

நிலைக்க நிலைக்க உயரும் எம் வாழ்வு

சிரிக்கச் சிரிக்க அறிவுறுத்தும் பண்பு - அதில்

சிலிர்த்துச் சிலிர்த்து மலர்ந்ததம்மா தென்பு

கேட்கக் கேட்க கேட்க வைக்கும் கானம் - நீ

கிடைக்கக் கிடைக்க விலகும் அஞ்ஞானம்

கிட்டக் கிட்ட வந்து பேசும் தெய்வம் - நீ

தொட்டு விட்ட உயரம் இறைவன் இதயம்

பட்டு விட்ட மரமும் பூப்பூக்கும் - உன்

பார்வை பட்டால் கடலலையும் அடங்கும்

மிடுக்கும் எடுப்பும் நிறைந்த அழகுத் தோற்றம் - நீ

மீண்டும் மீண்டும் தழைக்கின்ற ஆற்றல்

எடுக்க எடுக்கக் குறையாத அமுதம் - நீ

எழுத எழுத முடியாத சரிதம்