Kandha Enrazhaiththu

கந்தா என்றழைத்து விட்டால் காட்சி தர வந்திடணும்

கருணை சிவசங்கரனே வரங்கள் அள்ளித்தர வேணும்

முருகா என்றழைத்தால் உருகி நீ வரவேணும்

முல்லையாம் இதழசைத்து முத்தான கவி தரணும்

வேலவா என்றழைத்தால் விரைந்தோடி நீ வரணும்

வீரமிகு தோளழகா வெற்றிகளைத் தரவேணும்

ஆறுமுகா என்றழைத்தால் அழகுமயில் மேல் வரணும்

ஆசைகளை வேரறுத்து ஆறுதலைத் தந்திடணும்

குருகுஹா என்றழைத்தால் குறையெல்லாம் தீர்த்திடணும்

குரலுக்கு எதிரொலியாய்க் குதித்தோடி நீ வரணும்

ஷண்முகா என்றழைத்தால் சத்கதியைத் தந்திடணும்

சாவு என்னைத் தீண்டு முன்னே சாய உந்தன் மடி தரணும்