Kananai Kaanavillai

கண்ணனை காணவில்லை கண்டு சொல்லடி - அவன்

குணநலனை கூறுகிறேன் குறித்து கொள்ளடி

வேங்குழல் ஊதுவான் அதிகாலை நேரம்

ஏங்கிடுவார் பலரும் யமுனா தீரம்

செக்கர் நிற பட்டொன்று இடையாடும் - அங்கே

செருகிய குழல் ஒன்று இடம் தேடும்

அக்கம் பக்கம் பார்த்து பார்த்து அறைக்குள் ஓடி

அள்ளி அள்ளி பருகிடுவான் உறி தேடி

வண்ண நிற தோகை ஒன்று சிரசாடும் - அந்த

வட்ட முகம் கண்டிடத்தான் மனம் நாடும்

மண் நிறைந்த வாயினுள்ளே மண்டலம் காட்டுவான்

மறைந்து மறைந்து மறைந்து எங்கள் மனதை வாட்டுவான்