Kaaththiruppaan Gananadhan

காத்திருப்பான் இங்கே கணநாதன்

கருணை புரிவதற்குத் தருணம் எதிர்பார்த்து

பூத்திருக்கும் விழியின் தாபம் கண்டு - நமை

பிணைத்திருக்கும் பிறவிப் பிணி அழிக்க

மாற்றுக் குறையாத பொன் மனத்தான்

மலரினும் மெல்லிய குணம் படைத்தான்-நம்மை

தேற்றி அரவணைக்கும் ஐங்கரத்தான் - நாம்

திகைத்து நிற்கும்போது நகைத்து எதிர் தோன்ற

யாண்டும் இடும்பையிலா வாழ்வருள்வான்

யார்க்கும் ஒரே நீதி எனப் புகல்வான்

தீண்டும் கொடு வினையின் பயன்களெல்லாம்

தீர்த்து அருள் செய்யும் மூர்த்தி சங்கரனாய்