Iravum Pagalum

இரவும் பகலும் உன் திருவடிதன்னை

பற்றிப் பாடிட பாதை காட்டினை

உறவு நீயென உரிமை தந்துமே

உந்தன் மடியிலே உறங்க வைத்தனை

கரவு இல் மனம் கந்தா தந்து உன்

காலடி தொடர வலிந்திழுத்தனை

செறிவு சேர் மலர்ப் பத அழகா

ஸ்ரீ சிவசங்கரா வாழ்க வாழ்கவே

கனலெனச் சிவந்த நின் முகம்

கனிந்து உருகி நீ எதிரே வந்தனை

தினவில் நைந்து தேம்பிய நெஞ்சைத்

தேற்றி ஆட்கொளத் தேடி வந்தனை - எம்

நினைவிலே நின் உருவைப் பதித்துமே

நீண்ட தாகம் தணிய வைத்தனை

புனலெனப் பெருகும் அன்பு மழையிலே

பெம்மானே மனம் குளிர வைத்தனை