Anjal Enroru Karam

அஞ்சல் என்றொரு கரம் அபயம் அளித்திருக்க

சஞ்சலம் இல்லாதிரு - மனமே

சரணம் சரணம் என்றிரு - அவளே

சரணம் சரணம் என்றிரு

மஞ்சள் முக மங்கலை செங்கமல நாயகி

கஞ்ச மலர்ப் பதங்கள் கருணை நிழலிருக்க

சஞ்சலம் இல்லாதிரு - மனமே

சரணம் சரணம் என்றிரு - அவளே

சரணம் சரணம் என்றிரு

கொஞ்சும் மொழி பேசும்

குளிர் மதியின் முகத்தாள்

பஞ்சினும் மெல்லடியை

பதிந்து உன் நெஞ்சில் வைத்தாள்

தஞ்சம் தர என்றுனை

தடுத்து ஆட்கொண்ட சக்தி

மஞ்சம் உந்தன் மடியாய்

வந்து அமர்ந்திருக்க

சரணம் சரணம் என்றிரு - அவளே

சரணம் சரணம் என்றிரு