Anavaradham Aasai

அனவரதம் ஆசை என்னும்

பெருங்கடலில் ஆழும் என்னை

மனது வைத்து காப்பதற்கு வருவாயே

ஒரு விரதம் நானிருந்து

உனது திரு நாமம் சொல்லி

திருவடியில் காதல் கொள்ள அருள்வாயே

பவ வினைகள் போக்கும் உந்தன்

சிவ வடிவைக் காண்பதற்கு

தவமியற்ற வழி வகைகள் செய்வாயே

உபநிடதம் காட்டுகின்ற

ஒரு நெறியை எனக்குணர்த்தி

உயரிய நிலை பெறவே செய்வாயே

கமல மலர் மேலமர்ந்த

அலைமகளின் திருமருகா

கடையனுக்கும் ஞானமதை தருவாயே

அதல பாதாளமென்னும்

அடியுறங்கும் என் மனதை

அதட்டி எழுப்பி ஆணை இடுவாயே

பகலவனின் ஒளியை மிஞ்சும்

பரிமளனே நின்னழகை

பருகி இன்பம் நானடைய தருவாயே

அகிலமெல்லாம் போற்றுகின்ற

ஆதி சிவ சங்கரனே

அடிமலரில் பதம் எனக்கும் அருள்வாயே