Ainkaranam Avan Pugazhai

ஐங்கரனாம் அவன் புகழைப் பாடுவேன் - அவன்

அருள் பலத்தால் அவன் பதத்தை நாடுவேன்

துன்பம் தீரும் ஒரு வழியைத் தேடுவேன் - அந்த

தும்பிக்கையை நம்பிக்கை கொண்டாடுவேன்

வானம் பூமியை அவனுள் காணுவேன்

வையம் போற்றும் வள்ளன்மையைக் கூறுவேன் - அவன்

வரத்தினிலே பரத்தினில் நான் தேறுவேன் - எல்லாம்

வல்லப கணபதி என பாடுவேன்

வாய்மை தவறவோ மனம் நாணுவேன் - அவன்

வழியினின்றும் நூலிழையோ கோணுவேன்

வாக்கினை என் அணிகலனாய் பூணுவேன் - அந்த

வாஞ்சையை என் பொக்கிஷமாய் பேணுவேன்

திக்கெட்டும் அவன் உரு கொண்டாடுவேன் - அந்த

தீனபந்துவை தினம் கொண்டாடுவேன்

தேன் சொரியும் பூ மாலைகள் சூட்டுவேன் - அந்த

தேவ தேவனை உனக்கும் காட்டுவேன்