Thanakkena Yaedhum

தனக்கென ஏதும் வேண்டா சங்கரா - ஓ

தவக்கொழுந்தே என்னுயிரே சங்கரா

மணக்கின்ற கொன்றை அணி சடையிலே

எதற்கென்று கங்கையைச் சுமந்தனை

உனக்கென்று உடலும் சொந்தமில்லையோ - அதில்

உமைக்கென்று சரிபாதி தந்தனை

உயிர்மீதும் உனக்காசை இல்லையோ - கடலில்

ஓங்கிவந்த ஆலகாலம் உண்டனை

வெயில் மழை இடி காற்று தாங்கியே - ஓ

வேதியனே கயிலையிலே தவம் செய்தனை

மானுடனாய் பூமியில் பிறந்தனை

மரணானுபவம் இருமுறை தரிசித்தனை

வையத்தை நல்வழியில் திருத்திட

வந்த வழி சொந்தம் துறந்தனை

ஏன் சங்கரா எதற்கு விரதமிருக்கிறாய்

ஊண் உறக்கமின்றி உடலை வறுக்கிறாய்

நான் பார்த்துக் கொள்வேனென உரைக்கிறாய் - இந்த

நன்றி கெட்ட உலகுக்கோ உழைக்கிறாய்