Siva shankaranin pugazh

Siva shankaranin pugazh paaduvom - ivan

tharani vandha vedha swaroopam

angamellaam urugi paaduvom - ivan

aananthaththin naadha swaroopam

arjunarkku baaradhaththil geethai sonnavan

paeraasaigalai vaerarukka avadhariththavan

garjanaigal seyyum podhu singamaanavan - nam

kaigal thottu thazhuvum podhu thangamaanavan

nambi vandha anaivaraiyum kaadhalippavan - thannai

nambidaadha nabargalukkum vaazhththu solbavan

kumbiduvor nenjamellaam kudiyiruppavan - endha

kombanukkum komban ingu kooththadippavan

indhu muslim baedhamatra anbu rajjiyam - ivan

yaerpaduththa virumbuginra gnaana rajjiyam

endha jaathi endha naadu kaelvigal illai - un

idhayam mattum ingu kodu tholvigal illai

sondha bandham kudumbam vittu veliyil vandhavan - ulagai

sondha bandhamaaki konda jothiyaanavan

andham aadhi yaedhumatra inba saagaram - ivandhaan

aanma ulagin adhi uyarndha raaja gopuram

anbu poondu ulaganaiththum aattuvippavan - ivan

adhattuginra vaarththaikkullum anbu vaippavan

inba thunba kaatchigalai maatra vallavan - idhanaal

iraivanenru potri paadum thagudhi petravan

aadal paadal vallavare oadi vaarungal - ivan

abinayangal kaattuginra azhagai paarungal

paambanai mael thuyilvadhellam yoga niththirai - ingu

paraman kaattum abinayangal gnaana muththirai

viviliyaththin porul vilakkam ingu kaetkalaam - thiru

vaenkadaththin suprabaadham ingu paadalaam

sabari naadhan gosham kooda ingu podalaam - endha

sannidhikkum uriyavanai ingu kaanalaam

kaanal neeril meen pidikka valai virikkirom - verum

kaadharundha oosi vaanga kappal virkirom

eesanenrum yaesuvenrum ivanai nambuvom - naam

ivanidaththil nammai vitru ivanai vaanguvom

சிவசங்கரனின் புகழ் பாடுவோம் - இவன்

தரணி வந்த வேத சொரூபம்

அங்கமெல்லாம் உருகிப் பாடுவோம் - இவன்

ஆனந்தத்தின் நாத சொரூபம்

அர்ஜுனர்க்கு பாரதத்தில் கீதை சொன்னவன்

பேராசைகளை வேரறுக்க அவதரித்தவன்

கர்ஜனைகள் செய்யும் போது சிங்கமானவன் - நம்

கைகள் தொட்டு தழுவும் போது தங்கமானவன்

நம்பி வந்த அனைவரையும் காதலிப்பவன் - தன்னை

நம்பிடாத நபர்களுக்கும் வாழ்த்து சொல்பவன்

கும்பிடுவோர் நெஞ்சமெல்லாம் குடியிருப்பவன் - எந்த

கொம்பனுக்கும் கொம்பன் இங்கு கூத்தடிப்பவன்

இந்து முஸ்லீம் பேதமற்ற அன்பு ராஜ்ஜியம் - இவன்

ஏற்படுத்த விரும்புகின்ற ஞான ராஜ்ஜியம்

எந்த ஜாதி எந்த நாடு கேள்விகள் இல்லை - உன்

இதயம் மட்டும் இங்கு கொடு தோல்விகள் இல்லை

சொந்த பந்தம் குடும்பம் விட்டு வெளியில் வந்தவன் - உலகை

சொந்த பந்தமாக்கிக் கொண்ட ஜோதியானவன்

அந்தம் ஆதி ஏதுமற்ற இன்ப சாகரம் - இவன்தான்

ஆன்ம உலகின் அதி உயர்ந்த ராஜ கோபுரம்

அன்பு பூண்டு உலகனைத்தும் ஆட்டுவிப்பவன் - இவன்

அதட்டுகின்ற வார்த்தைக்குள்ளும் அன்பு வைப்பவன்

இன்ப துன்ப காட்சிகளை மாற்ற வல்லவன் - இதனால்

இறைவனென்று போற்றி பாடும் தகுதி பெற்றவன்

ஆடல் பாடல் வல்லவரே ஓடி வாருங்கள் - இவன்

அபிநயங்கள் காட்டுகின்ற அழகை பாருங்கள்

பாம்பணை மேல் துயில்வதெல்லாம் யோக நித்திரை - இங்கு

பரமன் காட்டும் அபிநயங்கள் ஞான முத்திரை

விவிலியத்தின் பொருள் விளக்கம் இங்கு கேட்கலாம் - திரு

வேங்கடத்தின் சுப்ரபாதம் இங்கு பாடலாம்

சபரிநாதன் கோஷம் கூட இங்கு போடலாம் - எந்த

சந்நிதிக்கும் உரியவனை இங்கு காணலாம்

கானல் நீரில் மீன்பிடிக்க வலை விரிக்கிறோம் - வெறும்

காதறுந்த ஊசி வாங்க கப்பல் விற்கிறோம்

ஈசனென்றும் யேசுவென்றும் இவனை நம்புவோம் - நாம்

இவனிடத்தில் நம்மை விற்று இவனை வாங்குவோம்