Shankaram Engira

சங்கரம் என்கிற நூலிழையில் தங்கியதென்னுள் உயிரோட்டம்

கங்கையாய்ப் பெருகும் அன்பினிலே கலந்தது கண்ணின் நீரோட்டம்

வாடிய நெஞ்சை வளமாக்கும் வள்ளலவன் அருள் தேரோட்டம்

தேடியலைந்தேன் பல நாளாய் இன்று தெளிந்தது என் மனப்போராட்டம்

நம் குலம் வாழ தனைத்தந்தான் நம்பியிவன்போல் யார் எவரே

தன் தொழில் இறைப்பணி என்பவனைத் தவம் செய்தடைந்தீர் மானிடரே

பைந்தமிழ் வளர்க்கும் பாவலனாய்ப் பாரினில் வந்தது அருட்பேறே

பொய்த்தடம் நடப்பார் இங்கடைந்தால் பொன் குணத்தாவார் அறிவீரே

வாழ்வு என்னும் மா கடலில் மீட்கவே வந்த படகோட்டி

வையகம் நிகழும் நாடகங்கள் வரைந்தான் இவன்தான் இசைமீட்டி

தாழ்வு வந்திடும் வேளையிலே தங்கக்கை கொடுத்தேற்றிடுவான்

தாள்களே சரணம் என்றிருந்தால் தாயாய்ப் பேணிக் காத்திடுவான்